Sofus Gaasedal

Vit sigla frá Kalvø til Vallensbæk

8
4
5
3
1
2
6
7
Punkt 1 - 25 juni 2016 (10:40-19:00)
Kalvø til Rantzausminde
Vit koyrdu oman til Kalvø, har seglbáturin lá.

Áðrenn vit sigldu, lat eg seljaran vita, at mær ikki dámdi at fara avstað við einum ótryggjaðum báti. Hann segði at um óhappið skuldi hent, so høvdu vit lænt bátin, tí teirra trygging var ikki uppsøgd fyrr enn nú mánadagin. Teir hava verið sera álítandi, so tað tók eg fyri góða vøru.

Vit løgdu frá Kalvø uml. kl. 10.40. Vit sigldu ein hálvan tíma við motori og hildu so, at vit vóru noyddir at royna seglini, tí hettar er jú ein seglbátur. Tá eg so skuldi royna sjálvstýraran, vísti tað seg, at hann ikke riggaði. Hampuligt av vindi var og stórar aldur.

Tá vit høvdu siglt nakað, fór at oysa niður. Ferðin var uml 7 míl við fokkinum uppi og motori.

Vit komu til Rentzausminde uml. kl. 19:00 og avgjørdu at steðga har fyri at eta og so at sigla meira, tí tað var jú ljóst til uml. kl. 23:00.

Meðan vit vóru har, fór toran at ganga, og tað oysti niður, so vit avgjørdu at tørna inn og sigla aftur kl. 03:30 næsta morgun.

Punkt 2 - 26 juni 2016 (03:30-09:30)
Rantzausminde til Langeland
Vit sigldu kl. 03:30 og tað gekk væl, vit brúktu fokkuna, og ferðin var uml. 6 míl.

Tað er sera vakurt í Svendborg.

Tá vit so komu út við vestursíðuna av Langeland, var vindurin ímóti, so vit kryssaðu niðan eftir.

Punkt 3.A - 26 juni 2016​ (09:30-15:00)
Grounded (Langeland)
Umleið klokkan 09:30 rendi skiparin bátin, sum stingur 1,5 metur, á ein flúr 1,6 míl (NV=ÚN) í útnyrring úr Lohals.

Vatnstøðan var bert er 0,6 metrar, og vit royndu alt møguligt til uml. kl. 15:00, tá vit róptu á Lyngby Radio, men uttan at fáa svar, tí VHF'urin var óvirkin burturifrá, men riggaði nær við, so har var okkurt galið við antennuni. Vit ringdu so til Lyngby radio. Stutt eftir ringdi SOK og segði, at Mobil hjemmeværnet skuldi koma við Ægir at hjálpa okkum.

Ægir ringdi og segði, at teir høvdu fingið eina aðra uppgávu, men at teir sendu MOB bátin út til okkara
.
Tað vardi leingi, til MOB báturin kom, og vit máttu rópa á teir og biðja teir ansa eftir skerum 10-15 stig í bakborð.

Manningin er sjálvboðin, og har var ikki tann stóra expertisan. Fyrst skuldu vit skriva undir uppá, at tey ikki hingu uppá nakran skaða, og síðani varð bundið í pullartin framman, sum slitnaði úr.

Síðani bundu vit niðarligari í mastrini, meðan eg og Mikkjal hongdu okkum út so langt, vit kundu, og tað gekk væl, og vit høvdu verið leysir, um teir høvdu sleipað okkum umleið 200 føtur aftrat, men skiparin ringdi og bað tey koma aftur til Ægir beinanvegin, og vit skuldu við.

​MOB førarin royndi at greiða frá, at vit vóru í ferð við at fáa bátin leysan, men tað hjálpti einki. Eg boðaði teimum frá, at eg varð eftir, tí báturin skuldi bjargast, men skiparin segði, at tað var óneyðugt, tí tryggingin fór at bjarga bátinum. Endin varð, at eg fór við.

Umborð á Ægir vórðu vit væl móttiknir og fingu kaffi og nátturða o.s.v.

Vit komu so í tankar um, at i hurlivasanum høvdu vit gloymt okkara pungar eftir, so teir sendu MOB bátin avstaðaftur eftir teimum.

Vit blivu spurdir, um vit skuldu til Nyborg, Korsør ella Vordingborg, og valdu Nysted (Nyborg?), tí vit skuldu til Fredericia, har bilar okkara stóðu.

Umleið klokkan 19:00 løgdu vit at í Nyborg og fóru við tokinum til Fredericia, har Steintór kom eftir okkum.

Eg ringdi til ein av fyrrverandi eigarunum og boðaði honum frá óhappinum, og at vit høvdu brúk fyri avtaluni, sum vit høvdu gjørt frammanundan.

Hann segði, at hann ikki kundi lúgva fyri tryggingini, men eg helt fyri, at hann skuldi ikki lúgva, men lata vera við at fortelja teimum nakað, sum teir allíkavæl ikki vistu, og so spurdi eg hann, um tað var í lagi at lúgva fyri mær.

Hann ringdi so aftur og segði, at teir hildu, at tryggingin dekkaði í 14 dagar eftir keyp.

Meðan vit vóru í tokinum, ringdi tryggingarmaðurin og spurdi, hvar teir skuldu leggja bátin, og um hann var heilur enn. Eg segði, at teir kundu leggja hann, har teir vildu, bara teir søgdu frá, og at hann var heilur enn.

Kortini hevur seljarin ringt og boðað frá, at báturin var seldur, og tískil var eingin trygging!
Punkt 3.B - 27 juni 2016
Bjarging 1
Steintór ringdi til havnafútan í Lohals og spurdi, um tað var nakar har, íð kundi hjálpa okkum við at fáa seglbátin av flúrinum, og hesin skuldi so ringja til onkran.

Hann ringdi aftur og bað okkum royna at ringja til ein har, men hann vildi ikki hjálpa, um báturin var ótryggjaður.

Seinni koyrdu eg, Steintór og Bjørn til Lohals fyri at finna onkran, sum vildi hjálpa.

Har ringdi eg til havnafútan, sum kom á skrivstovuna beinanvegin. Hann fann Kim, sum er staðkendur og var fegin um at hjálpa.

Vit avtalaðu at fara kl. 18:00, tí tá skuldi vera flóð.

Klokkan 18:00 sigldu vit út til seglbátin, men av tí at vindurin var 15 metrar um sekundið (15 sm), var ikki flóð, sum væntað, so vit uppgóvu og avtalaðu at royna aftur næsta morgun kl. 06:00. Kim skuldi finna ein minni bát og langa línu, og at eg skuldi koma umborð og hefta línuna og sigla hana út til útróðrarbátin (kuttarin).

Steintór, Bjørn og eg koyrdu so aftur til Fredericia

Punkt 3.C - 28 juni 2016
Bjarging 2
Steintór, Bjørn og eg koyrdu til Lohals, har vit møttu Kim + einum lokalum, sum hevði ein minni bát + línu.

Vit sigldu út, men Helmsman 26 var horvin. Vit leitaðu, men funnu hvørki bát ella akker.

Nú stúrdu vit fyri, at báturin hevði ligið og gnaddað upp at einum steini, hol var komið á, og at hann so  var loysnaður í flóðini og sokkin á djúpari vatni.

Vit sigldu inn og fingu morgunmat frá Kim og konuni, og aftaná fóru Bjørn og eg oman í fjøruna at leita eftir fendarum, tí var báturin sokkin, so róku fendarir, sum vóru leysir, beint inn móti landi, men vit funnu einki.

​Vit koyrdu aftur til Fredericia, men koyrdu allastaðir fram við fjøruni fyri at leita.

Punkt 4 - 28 juni 2016
Báturin funnin.
Eg fór úr Fredericia umleið klokkan 15:00 og hevði uppgivið bátin, men gjørdi kortini av at koyra suður til Svendborg á veg heim, fyri at leita á eystursíðuni av Fyn.

Tá eg var komin tætt til Svendborg, ringdi SOK og segði, at báturin var funnin norðanfyri Omø, vestanfyri Agersø, og at Lyngby Radio rópti á allar bátar at sleipa hann inn, tí hann var bert ein tíma frá at reka á land.

Eg ringdi til Steintór og bað hann um at ringja til havnirnar nærindis fyri at fáa onkran at hjálpa.

20 minuttir seinni ringdi SOK aftur og segði, at ein týskur seglbátur sleipaði bátin, og tað sá út, sum at teir vóru ávegis til Agersø havn.

Eg var skjótur oman á Stignæs, har eg fór við ferjuni út til Agersø.

Tá eg kom til Agersø, var týskarin akkurát liðugur at leggja at kaiini.

Eg møtti havnafútanum, Jacob, sum var ein sera fyrikomandi maður, og hann segði, at hasin týskarin var har á hvørjum ári, og at tey vóru sera fitt, og tað má eg geva honum rætt í, tí tá eg boðaði týska skiparanum frá, at báturin var ótryggjaður, segði hann, at so vildi hann onga samsýning hava, tí hann skilti meg væl og var glaður um at hjálpa, tí hann hevði sjálvur verið glaður um slíka hjálp.

Hann hevði brúkt góðar tríggjar tímar um bátin og vildi einki hava. Eg fekk tó keypt teimum døgverða við reyðfiskaflaki og nakrar øl.

Havnafútin lovaði at halda eyguni við bátinum, til eg heintaði hann.

​Síðani koyrdi eg heim.

Punkt 5 - 2 juli 2016
Botnkekk.
Havnafútin ringdi og spurdi, um hann skuldi senda kavara niður at kanna kjølin og botnin, og eg spurdi, um tað ikki kostaði ein bóndagarð, men hann segði, at grannin var frítíðarkavari og vildi filma botnin fyri 500 kr. :)

Eg fór út á Agersø og hugdi at filminum, sum ikki vísti nakran skaða, bert var nakað av kjølinum, har málingin var slípað av.
Eg yvirnáttaði í bátinum og koyrdi heim næsta dag, tí veðrið var ikki gott.
Punkt 5 - 9 juli 2016
Agersø til Vordingborg
Una, Esben og eg sigldu bátin frá Agersø til Vordingborg.

Eg var nakað yvir-forsigtigur, tí eg vildi ikki royna hattar aftur.

Veðrið við brúnna við Vordingborg var ófantaligt, og vit funnu eitt gestapláss í Vordingborg, har vit yvirnáttaðu.

Punkt 6 - 10 juli 2016
Vordingborg til Klintholm Havn
Tíðliga næsta morgun sigldu vit úr Vordingborg og hildu leiðina suður um Bogø til Klintholm Havn.

​​​Punkt 7 - 16 juli 2016
Klintholm Havn
Brestir, Una, Esben og eg koyrdu niður til Klintholm Havn fyri at sigla seglbátin heim, men vindurin lá beint móti landi, og tað skúmaði illa, so vit koyrdu til Møns Klint at síggja, hvussu veðrið var á eystursíðuni.

Har var gott veður, men á suðursíðuni var veðrið ikki so gott, so vit avgjørdu, at eg og Brestir svóvu í bátinum og skuldu so royna aftur næsta dag, meðan Una og Esben koyrdu heim við mínum bili.

Punkt 7 - 17 juli 2016
Klintholm Havn - Vallensbæk Havn
Næsta morgun var veðrið nakað betri, so eg og Brestir loystu og sigldu móti Rødvig Havn.

Ferðin var uml. 5-6 míl við fokkinum uppi og motori.

Tá vit komu móti Rødvig, avgjørdu vit at sigla beina kós til Vallensbæk Havn, tí tað gekk so mikið gott.

Tá vit komu til Køge bugt, var veðrið heldur ófantaligt við alduni aftanífrá, men tað gekk gott.
1
2.
3.
4.
5.
6.
7.
8..
Kalvø - Rantzausminde
Rantzausminde - Langeland
Grounded
Drifting
Found and dragged by sailboat (DE)
Agersø - Vordingborg
Vordingborg - Klintholm Havn
Klintholm Havn - Vallensbæk Havn
Sailing
Sailingt
Grounded
Founded
Saved
Sailing
Sailing
Sailing
25.06
26.06
26.06 -
28.06
28.06
02.07
03.07
16.07


28.06





10:40-19:00
03:30-16:00
10:30
              -16:00
20:00
Sofus & Mikkjal
Sofus & Mikkjal



Sofus, Una & Esben
Sofus, Una & Esben
Sofus & Brestir